“Demos”-i zviceran ndriçon vendkalimet për këmbësorë, parandalohen aksidentet

“Prej vendosjes së ndriçimit nuk kemi pasur asnjë aksident të lajmëruar në vendkalimet për këmbësorë gjatë natës. Për këtë arsye shumë shpejtë do të vendosim ndriçim të tillë në edhe plotë lokacione tjera”, ka thënë Shpend Ahmeti

Komuna e Prishtinës dhe Demosi zviceran po vazhdojnë bashkëpunimin, raporton albinfo.ch.

Kësaj radhe kanë bërë ndriçimin e 16 vendkalimeve për këmbësorë, ka bërë të ditur kryetari i Prishtinës, Shpend Ahmeti.

“Vendkalimet e këmbësorëve shpeshherë ishin fatale edhe për jetën e njerëzve. Komuna e Prishtinës në bashkëpunim me Demosin Zviceran ka bërë ndriçimin e 16 vendkalimeve për këmbësorë. Prej vendosjes së ndriçimit nuk kemi pasur asnjë aksident të lajmëruar në vendkalimet për këmbësorë gjatë natës. Për këtë arsye shumë shpejtë do të vendosim ndriçim të tillë në edhe plotë lokacione tjera. Projekte si kjo janë të vogla në dukje, por shumë të rëndësishme për sigurinë e qytetarëve”, ka shkruar Ahmeti në rrjetet sociale.