“Vetëvendosje” bllokon, importuesit kërcënojnë me rritje çmimesh

Lëvizja ‘Vetëvendosje’ sot do të nisë aksionin për bllokimin e pikave kufitare. Albin Kurti ka thënë se aktivistët e tij do të pengojnë në mënyrë paqësore vetëm hyrjen e mallrave nga Serbia.

Kundër aksionit doli Presidentja e Kosovës, Ambasada e SHBA-së, e Britanisë së Madhe, e Francës, e Gjermanisë dhe e Italisë. Sipas tyre, për dhunën eventuale përgjegjëse do të jetë ‘Vetëvendosje’.

Ndërkohë protesta e paralajmëruar nga Lëvizja ‘Vetëvendosje’, për bllokimin e dy pikave kufitare, asaj në Merdare dhe te Dheu i Bardhë, ka bërë që disa nga importuesit kryesorë të prodhimeve serbe në Kosovë, që të paralajmërojnë forma tjerë të futjes së mallrave në Kosovë, shkruan media në Prishtinë.

Ata kanë thënë se kësaj bllokade do t’ia shohin sherrin konsumatorët, duke thënë se si pasojë do të ketë ngritje të çmimeve.