Vdes gruaja më e moshuar në botë

Violet Mosses-Brown ishte gruaja më e moshuar në botë. Ajo jetoi 117 vjet dhe 189 ditë

Ka ndërruar jetë Violet Mosses-Brown, gruaja më e moshuar në botë. Ajo ishte 117 vjeçe dhe 189 ditë. Ishte vetë kryeministri i Xhamajkës, Andrew Holness, i cili bëri publik lajmin.

Ajo më herët kishte marrë çmimin e gruas më të vjetër në botë nga Libri i Rekordeve Guinness, përcjell albinfo.ch.

Gruaja nga Xhamajka kishte trashëguar rekordin e italianes, Emma Morano, e cila kishte ndërruar jetë në moshën 117 vjeçe dhe 137 ditë.

Violet Mosses-Brown ishte nënë e gjashtë fëmijëve, katër nga të cilët janë gjallë.