Cilat janë gratë më të pasura në botë?

Gruaja më e pasur në botë ka vdekur në moshën 94-vjeçare. Trashëgimtarja e “L’Oreal”, Liliane Bettencourt, kishte pasuri në vlerë prej 40 miliardë dollarësh, kur ndërroi jetë të enjten në Paris të Francës.

Tani kush e zë vendin e saj si gruaja më e pasur në botë?

1. Alice Walton – pasuri 33.8 miliardë dollarë

Alice Walton është e vetmja vajzë e themeluesit të supermarketeve në SHBA, Walmart. 67-vjeçarja ishte e 17-a në botë në listën e më të pasurve, sipas “Forbes”. Ajo ka pasuri në vlerë prej 33.8 miliardë dollarëve, përcjell Albinfo.

2. Jacqueline Mars – pasuri në vlerë prej 27 miliardë dollarësh

Mars ishte e 26-a në listën e “Forbes”. 77-vjeçarja udhëheq një të tretën e pastiçerisë më të madhe në botë. Ajo ka punuar aty qe 20-vjet.

3. Maria Franca Fissolo – pasuri 25.2 miliardë dollarë

Maria Franca Fissolo është evropiania e parë në këtë listë. Italiania është e veja e Michele Fererro. Kompania e saj “Ferrero Rocher” bën Nutellan, Kinderin dhe Tic-Tac.

4. Susanne Klatten – pasuri 20.4 miliardë dollarë

Gjermania Susanne Klatten ka pasuri falë përzierjes së saj në vetura dhe farmaceutikë. Ajo udhëheq kompaninë Altana AG, ndërsa ajo dhe vëllai i saj po ashtu kanë rreth 50 për qind të aksioneve të BMW-së.

5. Laurene Powell Jobs – pasuri 20 miliardë dollarë

Powell Jobs ishte e 40-a në botë sa i përket gjithë njerëzve të pasur. Ajo është e veja e themeluesit të Apple-it Steve Jobs. Përpos aksioneve në Apple, ajo ka edhe 4 për qind të aksioneve në Disney.