Tare beson në fitoren e Shqipërisë ndaj Italisë

Drejtori sportiv i Lazios, Igli Tare është shprehur me buzëqeshje se këtë takim do ta fitojnë kuqezinjtë

Shqipëria do të ketë dy ndeshje shumë të vështira, ku do të jetë mysafire e Spanjës, derisa më pas e pret Italinë, shkruan albinfo.ch.

Dy takimet pritet të jenë me shumë spektakël, derisa Shqipëria nuk ka gjasa që të kualifikohet tutje.

Sfida me Italinë do të jetë përmbyllëse në këto kualifikime dhe pritet të jetë spektakolare, duke marrë parasysh që në Shqipëri ka shumë tifozë me Italinë dhe kjo do të jetë hera e parë që Azzurrët vijnë në Shqipëri.

Drejtori sportiv i Lazios, Igli Tare është shprehur me buzëqeshje se këtë takim do ta fitojnë kuqezinjtë. “Shqipëri-Itali? Sigurisht që fiton Shqipëria. Nuk kam asnjë dyshim”, ka deklaruar Tare për mediat italiane.