Burri rrah gruan e tij braziliane në Gjilan

Policia e Kosovës ka bërë të ditur se në Gjilan është raportuar për një rast të dhunës në familje.

“Viktima femër, shtetase e Brazilit, ka informuar se pas një mosmarrëveshje, është sulmuar fizikisht nga bashkëshorti i saj, i dyshuari mashkull K/Shqiptar. Viktima ka refuzuar trajtimin mjekësor”, ka njoftuar Policia e Kosovës.

Njësitë policore janë në kërkim të personit të dyshuar.

Ndërkohë, është arrestuar një person në Kamenicë pasi i njëjti dyshohet të ketë ushtruar dhunë fizike ndaj bashkëshortes së tij, që sipas Policisë, ka qenë edhe nën moshën 16 vjeçe.

“Është arrestuar i dyshuari mashkull K/Shqiptar, pasi që i njëjti ka ushtruar dhunë fizike ndaj bashkëshortes së tij. Viktima ka pranuar trajtim mjekësor”, thotë Policia, ndërsa shton se i dyshuari, pas intervistimit, me vendim të prokurorit është dërguar në mbajtje.