Dënohet firma me 40 mijë funte, kishte dy punëtorë shqiptarë pa letra

Dy shqiptarët kishin hyrë ilegalisht në Britaninë e Madhe dhe nuk kishin leje qëndrimi dhe as leje pune

Dy shqiptarë janë arrestuar në Britaninë e Madhe dhe pritet të dëbohen për në vendlindje, derisa biznesi ku ata punon do të dënohet me 40 mijë funte, sepse ata punon ‘në të zezë’.

Dy shqiptarët kishin hyrë ilegalisht në Britaninë e Madhe dhe nuk kishin leje qëndrimi dhe as leje pune, përcjell albinfo.ch.

Ata janë arrestuar në Ayr. Njëri ishte 28-vjeçar dhe tjetri 33-vjeçar. Policia ka konstatuar se kishin hyrë ilegalisht.

Punëdhënësi pritet të dënohet me 20 mijë funte për punëtor, nëse ata nuk kanë dokumente, leje qëndrimi, leje pune dhe dokumente valide.

Nëse kjo nuk dëshmohet, që duket se jo, atëherë do të dënohet deri në 40 mijë funte. Policia kishte kapur shqiptarët në flagrancë, pasi ishin me rroba civile.