Portugalia në Botëror, Zvicra në “play-off”

Zvicra do të luajë në ‘play-off’ për t’u kualifikuar në Kampionatin Botëror

(KEYSTONE/Jean-Christophe Bott)

Zvicra ka pësuar humbjen e vetme në kualifikime, por që i ka kushtuar shumë. Tashmë ajo do të luajë në “play-off” për t’u kualifikuar në Kampionatin Botëror, shkruan albinfo.ch.

Zviceranët kanë pësuar humbje nga Portugalia me rezultat 2:0 në Lisbonë. Johan Djourou në minutën e 41-të ka shënuar në portën e tij, derisa golin e dytë e realizoi Andre Silva nga afërsia në minutën e 57-të.

http://www.dailymotion.com/video/x642c74

Kjo fitore e ka kualifikuar direkt Portugalinë në Kampionatin Botëror, derisa Zvicra do të mësojë kundërshtarin e saj në “play-off” dhe më pas të kualifikohet në Botëror. Ndeshjet e “play-off”-it zhvillohen gjatë muajit nëntor.

Zvicra nga dhjetë ndeshje ka nëntë fitore dhe një humbje, aq sa edhe Portugalia, por portugezët kanë goldallim më të mirë.

http://www.dailymotion.com/video/x642czl

Në sfidën Portugali-Zvicër nga fillimi u paraqitën katër futbollistët shqiptarë: Xherdan Shaqiri, Granit Xhaka, Admir Mehmedi dhe Blerim Xhemaili. Dy të fundit janë zëvendësuar në minutën e 66-të, kurse Valon Behrami është i lënduar.