Kultura
Porositë e 17 shkurtit dhe të “Valles së pavarësisë”
Në Glatbrugg të Cyrihut, më 17 shkurt, komuniteti shqiptar festoi 4 vjetorin e pavarësisë së Kosovës dhe vitin jubilar, të 100-të, të shtetit shqiptar
Dita e Pavarësisë së Kosovës, 17 Shkurti, për shkakun se ishte ditë pune, të shumtën e rasteve u kremtua një ditë ose dy më vonë, ditëve të vikendit. Ndërsa në Glatbrugg të Cyrihut, 17 shkurti u festua më 17 shkurt. Po kështu, me këtë rast u përkujtua edhe 100 vjetori i shpalljes së pavarësisë së shtetit shqiptar.
Komuniteti shqiptar i këtij lokaliteti ngjitur me qytetin e Cyrihut kishte ardhur në numër mjaft të madh në sallën e rezervuar për këtë manifestim. Organizimin e kishte marrë në dorë një këshill kremtues i kryesuar nga aktivisti Shaban Haliti, ku ishin përfshirë edhe shoqata e porsaformuar “Glattalb” dhe këshilli i prindërve të Shkollës së këtushme në gjuhën shqipe.
“Glattalb” ka bërë me këtë rast edhe paraqitjen e vet të parë publike dhe ka shpalosur misionin për të cilin është krijuar. Puna për integrimin e shqiptarëve në shoqërinë e këtushme, arsimimi, aktivitetet kulturore, janë synimet që i ka shtruar vetes kjo shoqatë në fillimet e veta.
Ndërsa për programin e pasur artistik është kujdesur Ansambli i Këngëve dhe Valleve Shqipe “Vatra” nga Bülach-u. Pos “Vatrës”, me një numër recitimesh e këngësh u paraqitën edhe nxënësit e shkollës së mësimit plotësues në gjuhën shqipe, të udhëhequr nga mësuesi i tyre, Naser Ulaj.
© albinfo.ch
Kryesuesi i këshillit festiv, Shaban Haliti në një fjalë rasti përkujtoi rëndësinë e datës e cila po festohej këtë ditë, duke shprehur vlerësimin më të lartë për dëshmorët, ata që kanë dhënë më së shumti për lirinë e Kosovës. Po kështu, ai theksoi se me këtë rast po shënohej edhe 100 vjetori i shpalljes së pavarësisë së shtetit shqiptar.
Haliti nuk ka harruar të falënderojë edhe shtetin e Zvicrës për mbështetjen që i ka dhënë dhe po i jep shtetit të ri të Kosovës.
Manifestimin e ka përshëndetur kryetarja e shoqatës së re “Glattalp”, Sebeate Zylfiji, ndërsa programin e kanë drejtuar në vazhdim përfaqësuesja e shoqatës së përmendur, Edona Ibrahimi dhe ai i këshillit të prindërve, Muhamet Arifi.
Në vazhdim të kësaj fjale, ansambli “Vatra” ka ardhur në skenë me “Vallen e pavarësisë”, e cila është bërë një shenjë identifikimi për këtë ansambël të vyeshëm. Kjo shfaqje skenike me elemente baleti, me forcën e saj shprehëse vazhdon të emocionojë të gjithë ata që e shikojnë, duke përcjellë gjithandej porositë e 17 Shkurtit historik.
“Vatra” është paraqitur edhe me disa valle tjera, mes tjerash edhe me vallëzuesit e vegjël, të cilët kanë impresionuar publikun me sharmin dhe përkushtimin e tyre.
Koreografi e valltari Arsim Berisha, valltarja veterane Fatmire Kajtazi dhe udhëheqësi i ansamblit, Nexhmedin Isufi edhe kësaj fradhe kishin bërë një punë me përkushtim.
Një numër i madh nxënësish të shkollës shqipe në vazhdim janë paraqitur me recitime e këngë, veç e veç ose tok, duke i shtuar edhe më tepër hijeshinë mbrëmjes.
Të tjera nga Kultura
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Qindra studentë protestuan para Universitetit të Lozanës Disa qindra njerëz u dyndën në kampusin e Universitetit të Lozanës të shtunën për të mbështetur...
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard