Sport
Sytë e zviceranëve janë drejtuar nga Shaqiri
Në çdo faqe sporti të gazetave zvicerane ashtu si dhe në shumë portale, si ilustrim për ndeshjen e sontme vihet figura e Shaqirit
Sonte, në stadiumin “St.Jacobspark” të Bazelit luhet ndeshja që, së paku për FC Baselin, ka epitetin e ndeshjes së vitit. Skuadra kampione e Zvicrës takohet me gjigantin e futbollit gjerman dhe evropian FC Bayern në të tetën e finales për Ligën e Kampionëve.
Favoriti në këtë ndeshje duket i qartë. Po të shikohet vlerësimi në “treg” i futbollistëve të Bajernit , që është 480 milionë franga, Bazeli del i pa shanse me “vetëm” 64 milionë. Megjithatë, befasitë nuk mund të përjashtohen. Aq më tepër për faktin se Fc Basei i Shaqirit dhe i Xhakës me shokë ka ditur të befasojë dhe të nxjerrë nga garat kolosin tjetër të futbollit evropian ManU.
Me këtë frymë luftarake janë paraqitur sot në një konferencë për medie udhëheqësit dhe lojtarët e FC Bayernit. Atyre duket se nuk u bën përshtypje fama e bavarezëve.
Sipas kryetrajnerit Heiko Vogel, Bazeli nuk ka çfarë të humbas përveç ndeshjen si vendës. Ndërkohë FC Bayern është në presion të madh.
Në prag të ndeshjes, e gjithë Zvicra sytë i ka të kthyer nga margaritari i futbollit të këtushëm, Xherdan Shaqiri. Në çdo faqe sporti të gazetave zvicerane ashtu si dhe në shumë portale të këtushme, si ilustrim për ndeshjen e sontme vihet figura e kudogjendshme e Shaqirit.
“Qëllo sonte, Shaqiri”; “Shkatërroje Bajernin” dhe parulla të tjera sikur këto mund të lexohen gjithandej dhe shprehin ethet nëpër të cilat po kalon opinioni futbolldashës i Zvicrës.
Dhe, Shaqiri pasi “ka marrë lejen” nga trajneri i FC Bayernit (dhe i tij, i ardhshëm) Heyncke, do të bëjë gjithçka për të shpërblyer fansat e tij të shumtë. Në mos me një gol a më shumë, me një lojë të mirë.
Në konferencën për medie, xhuxhi magjik ka miratuar çdo pohim të bërë nga trajneri Vogel. Dhe, nuk ik dridhej çerpiku. Ai u përgjhigtjej i qetë dhe me elegancë pyetjeve të reporterëve nga Gjermania.
Në njëmbëdhjetëshin e parë, krahas Shaqirit do të luajë edhe Granit Xhaka.
Ndeshja FC Basel – FC Bayern fillon sonte në orën 20.45. Ndërsa transmetimi nga stadiumi St. Jakobspark në SF fillon nga ora 20.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla