Jepet drita e gjelbër për ndërtimin e komplekseve turistike në Jal dhe Ksamil

I është dhënë drita e gjelbër për zhvillimin e komplekseve turistike në Jal dhe Ksamil.

Referuar vendimeve për kompleksin e Jalit, subjekt zhvillues do të jetë “Soleil & Sea” sh.p.k, kurse në Ksamil “Boiken” sh.pk”. Vendimi është dhënë nga Këshilli Kombëtar i Territorit (KKT), shkruajnë mediat shqiptare.

Jali dhe Ksamili janë dy nga perlat e Shqipërisë me bukuri të jashtëzakonshme, dhe ndër vendet më të vizituara gjatë sezonit turisik, përcjell albinfo.ch.

Turizmi në Shqipëri është zhvilluar shumë kohët e fundit, ku gjithashtu është rritur edhe numri i turistëve të huaj. Kjo ka bërë që të rriten investimet në këtë sektor shumë të rëndësishëm.

Gjithashtu edhe në Vlorë dhe Sarandë janë disa projekte mjaft të rëndësishme, që pritet të realizohen vitin e ardhshëm, në mënyrë që të rritet edhe më shumë numri i turistëve të huaj.