50`000 frangat “humanitare” të deputetes Fiala

AHS (Aids-Hilfe Schweiz) i paguan deputetes nacionale të FDP-PLR-së, Doris Fiala nga Kantoni i Cyrihut 50.000 franga në vit për angazhimin e saj si presidente e kësaj organizate humanitare.

Ndërkohë, zyra për certifikimin e organizatave jofitimprurëse dhe për grumbullimin e fondeve Zewo e konsideron këtë shumë si tepër të lartë. Kështu, AHS është e detyruar ta sqarojë këtë punë, përndryshe asaj do t`i tërhiqet certifikimi.

AHS duhet të bëjë një specifikim dhe t`ia dërgojë Zewo-s. Sipas Zewo-s organizatat për qëllime të tilla paguajnë nga 10 mijë deri në 20 mijë franga.

Madje edhe organizata shumë më të mëdha se ajo AHS, si WWF, Helvetas ose Pro Infirmis paguajnë vetëm shpenzimet dhe jo të ardhura të tjera.