Shkollim profesional edhe për të rinjtë “pa letra”

Kusht është që këta të rinj të kenë kryer së paku pesë vite të shkollimit të detyruar në Zvicër

Të rinjtë të cilët qëndrojnë në Zvicër pa dokumentacion legal, në të ardhmen do të duhej të lejoheshin të mbarojnë shkollimin profesional.

Këshilli Federal ka dërguar dispozitat lidhur me këtë çështje për miratim në parlament, njofton portali drs.ch.

Një kusht për të gëzuar këtë të drejtë është që këta të rinj të zotërojnë njërën nga gjuhët e vendit, të jenë të integruar mirë në Zvicër dhe të kenë kryer së paku pesë vite të shkollimit të detyruar në Zvicër.