Dushi i ftohtë redukton ditët me sëmundje

Dushi i ftohtë në mëngjes ndikon me të madhe në uljen e ditëve me sëmundje.

Sipas një studimi të publikuar në revistën “PLOS One”, një dush i ftohtë është “shërues” për shumë sëmundje dhe ul numrin e ditëve të munguara në punë për shkak të sëmundjes.

Në studim morën pjesë 3000 persona të cilët u ndanë në katër grupe, 30 sekonda me dush të ftohtë, 60 sekonda me ujë të ftohtë, 90 sekonda dush me ujë të ftohtë dhe një grup tjetër me ujë normal, transmeton Albinfo.ch.

Ata që shfrytëzuan dushin e ftohtë raportuan përmirësime në kualitetin e tyre të jetës, për dallim nga ata që vazhduan me dush normal.

Arsyeja nuk është e qartë akoma, ndërsa studimet për kafshët kanë treguar se ekspozimi në të ftohtë liron disa hormone që i bëjnë më të përballueshme dhimbjet apo mundimet.