Gjykohet imami, ka bërë thirrje për vrasje të “myslimanëve të këqij”

Këtë xhami e kanë frekuentuar shumica e të rinjve nga ky regjion, të cilët më vonë kanë marrë rrugën për në Siri dhe Irak, si luftëtarë të Shtetit Islamik

Viteve të fundit, qyteti i Winterthurit është identifikuar si një lloj “bastioni” i xhihadizmit në Zvicër. Kësaj i ka kontribuuar në veçanti xhamia An`Nur, e cila është përmendur si një burim idoktrinimi për ekstremistët e rinj islamikë, shkruan albinfo.ch. Këtë xhami e kanë frekuentuar shumica e të rinjve nga ky regjion, të cilët më vonë kanë marrë rrugën për në Siri dhe Irak, si luftëtarë të Shtetit Islamik. Në mesin e tyre janë së paku tre shqiptarë, ndërsa rasti më i njohur është ai i dy të miturve, vëlla e motër shqiptarë nga ky qytet, ikja e të cilëve në Siri pati bërë bujë të madhe në opinionin e këtushëm.

Së fundi, pas disa aferave në këtë drejtim xhamia në fjalë është mbyllur nga shteti.

Personi i cili lidhet më së shumti me namin e keq të kësaj xhamie, ish imami i saj, prej sot është duke u përgjigjur para një gjykate në Winterthur. Fjala është për një imam 25 vjeçar nga Etiopia. Ai akuzohet se ka bërë thirrje për vrasje të ”Myslimanëve të këqinj”, transmeton albinfo.ch. Në seancën e zhvilluar sot, imami i akuuar ka bërë me dije se nuk dëshiron të deklarohet fare lidhur me akuzën. Ai jep vetëm informacione lidhur me peronin dhe prejardhjen e tij.

Prokuroria ka kërkuar q8 muaj burg me kusht dhe dëbim nga Zvicra me ndalim hyrjeje për 15 vitet e ardhshme. Por, dëbimi duket se do të jetë një proces vështirë i zbatueshëm, për faktin se Zvicra nuk ka marrëveshje pranimdorëzimi me Etiopinë, ashtu që dëbimet në këtë vend janë pothuajse të pamundshme.