Aston Martin Vantage, rival direkt i Porsche 911

Ky model vjen pas DB11 dhe është i dyti nga shtatë modelet e reja të brendit britanik që pritet të vijnë deri më 2023

Aston Martini ka prezantuar versionin më të ri të rivalit të Porsche 911, Vantage.

Ky model vjen pas DB11 dhe është i dyti nga shtatë modelet e reja të brendit britanik që pritet të vijnë deri më 2023.

Vantage i ri është më i fuqishëm, më i lehtë dhe më i shpejtë se modeli pararendës. Për një model të tillë blerësit duhet të paguajnë gati 140 mijë euro, transmeton Albinfo.ch.

Modeli më i ri i Aston Martinit nuk merr asgjë nga modeli i shkuar. Ai peshon 1530 kilogramë, thuajse identik sa rivali i tij.

Motori 4.0-litra V8 është i ri po ashtu. Ai ka 503 kuaj fuqi dhe marsh automatik me tetë shpejtësi. Shpejtësinë prej 0 në 100 km/orë e arrin për 3.6 sekonda. Shpejtësia më e madhe e tij është 310 km/orë.

Modeli do të dalë në shitje nga mesi i vitit të ardhshëm.