SVP synon të nxjerrë Zvicrën nga Shengeni

Në kuvendin e SVP-DCU-së të mbajtur të dielën nën qiell të hapur në Coinsins të kantonit Vaud, delegatët kanë miratuar programin e ri të partisë për periudhën 2011-2016. Në këtë program që është miratuar njëzëri, me 453 vota pro dhe asnjë kundër veç tjerash kanë futur edhe kërkesën për dalje të Zvicrës nga Zona e Shengenit.

Është miratuar edhe kërkesa për aplikimin strikt të ligjeve kundër të huajve me qëndrim ilegal në Zvicër.

Veç kësaj janë pranuar edhe kërkesa tjera ndërsa është hedhur poshtë kërkesa e ardhur nga kantoni Jura, sipas të cilës Zvicra mund t`i pranojë regjionet e vendeve fqinje si kantone të saj!