Sport
Peshëngritësi shqiptar humb ndjenjat pas garës
Calja, që zuri vendin e katërt në dygarësh, kaloi disa orë në spital, ndërsa raportohet se gjendja e tij është e mirë
Peshëngritësi shqiptar Briken Calja, ka humbur ndjenjat pas garës në Botërorin e Peshëngritjes që po zhvillohet në SHBA.
Calja, që zuri vendin e katërt në dygarësh, kaloi disa orë në spital, ndërsa raportohet se gjendja e tij është e mirë.
“Hëngra ushqimin para garës dhe fillova të kisha disa dhimbje barku, mendova nuk ishte asgjë, por me kalimin e kohës po shtoheshin këto dhimbje. Nuk mbaj mend asgjë nga provat e fundit me 180 KG, menjëherë sapo u largova nga pedana humba ndjenjat dhe më dërguan në spital”, deklaroi për Top Channel peshëngritësi.
Sipas raportimit, Calja ka qëndruar në spital për pesë orë ku i është dhënë ndihma e shpejtë dhe më pas janë bërë analizat. Mjekët i kanë thënë sportistit se ka pasur një dehidratim 3 herë mbi normat dhe kjo i ka sjellë humbjen e ndjenjave. Tashmë është normalizuar sa i përket gjendjes shëndetësore për sportistin shqiptar dhe pas kësaj situate, Calja tregon se pavarësisht të gjithave është i kënaqur për rezultatin e arritur.
“Të jesh i katërti në botë nuk është një rezultat i keq. Vendi ynë në hartë nuk është as sa një majë stilolapsi, jo më të dalim të katërtit në botë, duke pasur parasysh kushtet. Megjithatë më vjen inat sepse humba një medalje të artë në shtytje dhe një të argjendtë në dygarësh”, tha Calja.
Briken Calja garoi në peshën 69 kg, në stilin e shkëputjes u rendit i katërti me 142 kg, ndërsa stilin e shtytjes, ai u rendit në vendin e pestë pasi ngriti 175 kg. Në total në dygarësh Briken Calja u rendit në vendin e katërt me 317 kg.
E-Diaspora
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë Kryeministri Edi Rama ka kujtuar sërish bashkatdhetarët në Greqi se më 12 maj do të jetë...
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
-
Gjermani
Mynih: Një recital i shkëlqyeshëm për piano nga Kosti Deti
Jeta në Zvicër
-
Operacioni Pandora: Qendrat e thirrjeve mashtruan edhe në Zvicër Falë hetimeve të Europolit, dymbëdhjetë qendra të thirrjeve kriminale u shkatërruan. Mashtruesit ishin aktivë edhe në...
-
Testet e para në Appenzell për të prezantuar patentë shoferin digjital
-
Nuk ka pagesa me kartë për shuma të vogla, a është kjo e ligjshme?
-
Sulmuesi i talentuar shqiptar vazhdon kontratën me FC Zurich
-
Maratona e Gjenevës në fundjavë, shumë rrugë do të mbyllen