Samit i të rinjve për integrimin në Gjermani
Samiti kishte mbledhur bashkë 100 të rinj nga e gjithë Gjermania, gjysma e tyre me "sfond migracioni"
Çfarë mund të bëjnë të rinjtë për të përmirësuar integrimin e të emigrantëve në Gjermani? Për këtë është diskutuar në samitin e tretë të integrimit të të rinjve në Berlin, të organizuar nga qeveria gjermane.
Samiti i kishte bërë bashkë 100 të rinj nga e gjithë Gjermania. Gjysma e tyre me “sfond migracioni”, pjesa tjetër vjen nga “familje me rrënjë gjermane”, siç u shpreh ministrja e shtetit Maria Böhmer, e ngarkuara e qeverisë për migracionin dhe integrimin.
„Unë shpresoj që të këmbejmë ide, të marrim impulse të reja dhe që politika të na marrë seriozisht!”, tha gjimnazisti Johannes Zieseniß nga Niedersachsen, transmeton DW.
Kancelarja gjermane, Angela Merkel dëshiron nga nxënësit dhe studentët vlerësime të ndershme dhe jo fjalime të bukura për integrimin e suksesshëm.
“Për këtë ju lutem të jeni të hapur në diskutime dhe të mos jeni të shqetësuar që nëse thoni diçka mund të shkaktoni prishje të atmosferës. Pjesë e integrimit është debati i hapur, toleranca dhe guximi.”, tha Merkel.
Madje, sipas Merkel edhe për paragjykimet duhet të diskutohen.
„Të rinj maturantë kanë treguar se për shkak të emrave të tyre turq nuk janë ftuar në takime prezantimi, megjithëse dëftesat e tyre ishin po aq të mira sa të shokëve të tjerë të klasës – një situatë e patolerueshme. Flisni për këtë, vetëm kështu ecet përpara”, u bën thirrje të rinjve kancelarja Merkel.
Samitit për integrimit e të rinjve duhet të shërbejë për përcjelljen e përvojave të tyre.
Këtë e bën prej kohësh studentja e mjekësisë Umyhan Çifçi nga Marburgu, e lindur në Gjermani dhe shtetase turke. Ajo ka themeluar një shoqatë e cila sqaron të rinjtë për sistemin arsimor gjerman. Nga samiti i integrimit për të rinjtë ajo shpreson motivacion të ri për punën e saj nganjëherë të vështirë.
“Të rinjve u duhet dhënë guxim! Ne duam të dalim që këtej me angazhim të plotë dhe të themi se ia vlejti, do të vazhdojmë punën!”, tha ajo.
Secili nga 100 pjesëmarrësit kishte zgjedhur një prej katër temave për arsim, medie, konflikte brezash dhe angazhim qytetar, rezultatet e të cilave do të hyjnë në politikën e integrimit të qeverisë gjermane.
E-Diaspora
-
Shqipëria, pjesë e paradës së karnavaleve në Berlin Bëhet e ditur se edhe Shqipëria do të jetë pjesë e paradës së karnavaleve në Berlin,...
-
Prokuroria kërkon 18 vjet burgim për autorin e vrasjes së Shqiponja Isufit
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
Jeta në Zvicër
-
Alain Berset kaloi një javë pune të frytshme në Shqipëri Berset paraqiti kandidaturën për postin e Sekretarit të Përgjithshëm të Këshillit të Europës, Zvicra e mbështet...
-
A mund të mbulohen së shpejti syzet dhe lentet e kontaktit nga sigurimi shëndetësor zviceran?
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”