Kosova
Këshilli i Përgjithshëm i VV-së vendos: Zgjedhjet për kryetar mbahen në shkurt
Në mbledhje nuk ka marrë pjesë kryetari aktual, Visar Ymeri e as ish-sekretari Dardan Molliqaj. Ymeri ka thënë se nuk është dashur që mbledhja të ftohet në këtë formë
E diel, 17 Dhjetor 2017 - 17:18
Këshilli i Përgjithshëm i Lëvizjes Vetëvendosje ka shpallur zgjedhjet e reja për kryetarin e saj. Vendimi është marrë pa asnjë votë kundër.
Kryesuesi i Këshillit të Përgjithshëm, Hydajet Hyseni ka konfirmuar se 133 delegatë kanë votuar që të shpallen zgjedhjet për kryetar të partisë. “Kjo ka qenë obligim edhe me statutin e partisë sepse Ymerit i përfundon mandait në muajin shkurt”, ka thënë Hyseni.
Ushtruesi i detyrës së sekretarit të VV-së, Ismajl Kurteshi ka konfirmuar se zgjedhjet për kreun e partisë mbahen në fund të shkurtit 2018. Ata kanë thënë se mbledhja është karakterizuar me frymë demokratike.
Në të nuk ka marrë pjesë kryetari aktual, Visar Ymeri e as ish-sekretari Dardan Molliqaj. Ymeri ka thënë se nuk është dashur që mbledhja të ftohet në këtë formë. Në mungesë të kryetarit, në këtë mbledhje ka folur Fatmire Kollçaku, e cila ka kërkuar bashkim, siç ka thënë jo rreth një personi, por vlerave demokratike të VV-së.
Në mbledhje, merret vesh se është diskutuar edhe për koalicionet e VV-së në komunat që kanë fituar dhe këtu është kritikuar koalicioni i Shpend Ahmetit me AAK-në, duke thënë se nuk është konsultuar me organet partiake.
E-Diaspora
-
Ansambli Kombëtar mahnit Londrën me performancën e parë në Mbretërinë e Bashkuar Londra duartroket kulturën shqiptare, Ansambli Kombëtar shkëlqen në Shaw Theatre... -
Nis ardhja e mërgimtarëve, ja gjendja aktuale dhe pritjet në pikat kufitare -
Shqiptarja e parë nga Kosova diplomon në MIT, një nga universitetet më prestigjioze në botë -
Chair Airlines inauguron linjën direkte Cyrih–Tiranë, një tjetër urë ajrore mes Zvicrës dhe Shqipërisë -
Nis shpërndarja e librave shqip në 15 shtete të diasporës
Jeta në Zvicër
-
Pas 40 vitesh në Zvicër, francezi duhet të largohet Pas 40 vitesh në Zvicër, një francez 60-vjeçar duhet të largohet nga vendi. Gjykata Federale konfirmoi... -
A mund të kërkojnë qiramarrësit ulje të qirasë në rast të mbinxehjes së banesave? -
Frekuentimi i kinemasë është në rritje në Zvicër -
Zviceranët janë të kënaqur me jetën, por kritikë ndaj vendit të tyre -
Vala e të nxehtit në Zvicër pritet të vazhdojë të paktën deri të enjten
