Berna ka nisur një fushatë informative për fruthin

Këtë javë (21-27 prill) edhe Zvicra do të marrë pjesë në Javën evropiane për vaksinim. Enti Federal për Shëndetin Publik (OFSP )do të përqendrohet në sëmundjen e fruthit, për të cilën “mbulimi me vaksina është i pamjaftueshëm”. Aktualisht, vetëm 82% e fëmijëve janë të vaksinuar dy herë kundër kësaj sëmundjeje, mënyra e vetme për një […]

Këtë javë (21-27 prill) edhe Zvicra do të marrë pjesë në Javën evropiane për vaksinim. Enti Federal për Shëndetin Publik (OFSP )do të përqendrohet në sëmundjen e fruthit, për të cilën “mbulimi me vaksina është i pamjaftueshëm”.

Aktualisht, vetëm 82% e fëmijëve janë të vaksinuar dy herë kundër kësaj sëmundjeje, mënyra e vetme për një mbrojtje efikase.

Në vitin 2011, 679 raste janë raportuar, prej të cilave 10% kanë përfunduar në hospitalizim. Duhet pasur parasysh që disa komplikime mund të lindin kur jemi të prekur nga fruthi, thotë Zyra Federale e Shëndetit Publik në një deklaratë për media.

Fruthi duhet të zhduket

Sipas strategjisë nacionale për eliminimin e fruthit (2011-2015 ), kjo sëmundje duhet të çrrënjosen në vitin 2015, gjë që është e mundur vetëm kur 95% e popullsisë do të jetë imunizuar falë vaksinimit. Aktualisht, vetëm 82% e fëmijëve kanë pranuar dy vaksinat e nevojshme, vë në dukje Zyra e lartpërmendur. Ndërsa, 10% prej tyre kanë marrë vetëm vaksinën e parë.

“Imunizimi është një veprim solidariteti”, përkujton Zyra përkatëse. Me vaksinimin, ne gjithashtu mbrojmë të tjetrët dhe parandalojmë sëmundjen nga përhapja.

Zyra e Shëndetit Publik ka botuar një broshurë informative kushtuar fruthit. Ajo do të jetë në dispozicion në zyrat mjekësore, barnatore, spitale, kopshte dhe shkolla.