Vetëvendosje thotë se nisma për Specialen ishte mashtrim

“E patëm një nguti të pashpjegueshme, e cila mendoj se ka ardhur nga presidenti dhe kryeministri dhe e cila u prezantua në formë të një nisme ligjore"

Lëvizja Vetëvendosje e ka quajtur mashtrim nismën e deputetëve të pozitës për ta proceduar në Kuvendin e Kosovës ligjin për zhbërjen e Gjykatës Speciale. Shefi i Grupit Parlamentar, Glauk Konjufca, ka pohuar se është e pashpjegueshme ngutia rreth kësaj pune.

“E patëm një nguti të pashpjegueshme, e cila mendoj se ka ardhur nga presidenti dhe kryeministri dhe e cila u prezantua në formë të një nisme ligjore e nënshkruar nga 43 deputetë. Kjo duke marrë shkas nga një peticion i OVL-së së UÇK-së, në fund ne na erdhi në kryesi ky propozim për ndryshimin e ligjit”, ka thënë Konjufca.