Deputetja e SVP-UDC-së, kundër “vërshimit gjerman”

Natalie Rickli në një intervistë televizive të emetuar javën e kaluar kishte thënë: "Kemi tepër shumë gjermanë këtu"

Politikania zvicerane, deputete në Parlanentin Naciobnal nga partia SVP-UDC, Natalie Rickli ka ngjallur reagime me një deklaratë të dhënë kundër “dyndjes masive” të gjermanëve në Zvicër. Deputetja 35 vjeçare nga partia e njohur për qëndrimin jo shumë dashamirës ndaj të huajve, në një intervistë televizive të emetuar javën e kaluar kishte thënë: “Kemi tepër shumë gjermanë këtu”.

Veçanërisht në Kantonin e Cyrihut gjermanët kanë vërshuar, duke ardhur në mënyrë masive ka shtuar Rickli. Ajo ka thënë se nuk ka gjë kundër gjermanëve si individë, kundër mjekëve ose kamerierëve gjermanë. “Por, në kushtet kur ka vetëm kameriere gjermane, mjekë gjermanë dhe mua në malet zvicerane do të më shërbejnë vetëm gjermanët,unë nuk do të ndjehem më si në shtëpinë time”.

Për shkak të kësaj deklarate, në disa pika turistike të Zvicrës tashmë janë paraqitur anulimet e para të vizitave të turistëve gjermanë. Një mungesë e këtyre turistëve do të kishte pasoja fatale për turizmin zviceran, në kohën kur edhe ashtu për shkak të frangut të fortë, janë pakësuar vizitat nga jashtë.

Përveç spektrit tjetër politik, kritka ndaj deputetes Rickli kanë drejtuar edhe kolegë nga partia e saj.