Arrestohen sulmuesit e gruas në Pejë

Janë arrestuar pesë persona, tre meshkuj dhe dy femrat, që sulmuan një vajzë para disa ditësh në Pejë, sulm që ishte kapur edhe nga kamerat në rrugë, ka njoftuar Policia e Kosovës, përcjell albinfo.ch.

Policia në raportin zyrtar për 24 orët e fundit ka njoftuar se, janë identifikuar dhe arrestuar pesë të dyshuarit, pasi që të njëjtit kanë sulmuar fizikisht një femër të mitur.

Me vendim të prokurorit të dyshuarit pas intervistimit janë liruar në procedurë të rregullt.

Video kishte bërë bujë në rrjetet sociale, ku gruaja në Pejë ishte sulmuar, derisa kalimtarët nuk e ndihmojnë, duke qëndruar totalisht indiferent, edhe pse gruaja është e shtrirë në tokë dhe pa ndjenja.