Xhemaili kërkon të kthehet në Evropë

Mesfushori i Përfaqësues së Zvicrës, Blerim Xhemaili dëshiron të largohet nga ekipi kanadez, Montreal Impact për t’u kthyer në Evropë.

Ai kërkon të jetë pranë djalit të tij në Evropë pas ndarjes me bashkëshorten Erjona Sulejmani, përcjell albinfo.ch.

Raportohet se Xhemaili i ka kërkuar presidentit të klubit, Joey Saputo, që të ndërpresin me konsensus kontratën. Saputo është edhe president i klubit të Bolognas në Itali, nga ku pikërisht Xhemaili kishte kaluar drejt kampionatit amerikan.

31-vjeçari që nga muaji shtator është aktivizuar në 22 ndeshje në MLS, duke realizuar shtatë gola.

Xhemaili në janar pritet të ndërrojë mjedis dhe të kthehet në Evropë, në mënyrë që të përgatitet edhe për Kampionatin Botëror “Rusia 2018”.