Edhe Egjipti tërheq njohjen për Kosovën?

Gazeta serbe “Veçernje Novosti” shkruan se Egjipti do të tërheqë vendimin për përkrahjen që i ka dhënë pavarësisë së Kosovës.

Sipas kësaj gazete në Egjipt po forcohet rryma me qëndrimin se ka ardhur koha që të shqyrtohet vendimi për njohjen e pavarësisë së Kosovës, përcjell albinfo.ch.

Gjithnjë sipas këtij portali të Beogradit, njohja e pavarësisë së Kosovës nga Kajroja u bë më 26 qershor, vetëm disa ditë pasi që me puç ushtarak nga pushteti u rrëzua kryetari i atëhershëm i vendit Mohamed Morsi.

Se këto marrëdhënie kanë mbetur në nivel shumë të ultë, ia ka konfirmuar kryetarit të Serbisë Aleksandar Vuçiq kryetari aktual i Egjiptit, Abdel Fattah el Sisi, me të cilin ishte takuar në Nju Jork gjatë shtatorit të vitit të shkuar.