Ka ngordhur maçoku më i rëndë në botë

Peshonte plot 18 kilogramë, ndërkohë që “homologët” e tij nuk kanë më shumë se 3-5 kg. Është fjala për maçokun më të rëndë në botë, të quajtur Meow, që jetonte në një shtëpi për strehimin e kafshëve në New Mexiko të SHBA-së.

Për shkak të peshës së jashtëzakonshme që i rrezikonte shëndetin, kujdestarët e kishin filluar me të një regjim diete. Por ai kishte humbur vetëm një kilogram dhe ndërkohë kishte ndërruar jetë nga problemet me frymëmarrje.

Meow ia kishte parë sherrin zonjës së tij, e cila e kishte mësuar keq me ushqim të tepërt dhe me mungesë aktiviteti fizik. Kur zonja 87 vjeçare nuk kishte pasur mundësi të kujdesej më pë të, maçokun e kishin strehuar në shtëpinë e kafshëve.