Haradinaj pritet nga presidenti Meta

Kryeministri i Kosovës, Ramush Haradinaj, po qëndron në Tiranë ku është pritur nga presidenti i Shqipërisë, Ilir Meta me të cilin kanë diskutuar për zhvillimet në Kosovë dhe Shqipëri, përcjell albinfo.ch.

“Në takim është biseduar për mbështetjen e shtetit shqiptar dhënë Kosovës në proceset e ndryshme me rëndësi për vendin, me theks të veçantë anëtarësimin e Kosovës në të gjithë mekanizmat ndërkombëtar”, thuhet në njoftim.

Ndryshe disa media në Shqipëri kanë shkruar se Haradinaj ka aplikuar për pasaportë të Shqipërisë tri ditë më parë.

Sipas ‘Ballkan Web’, pasi që kreut të ekzekutivit kosovar iu refuzua viza për SHBA, ky i fundit i cili ka nënshtetësi shqiptare që nga 24 prilli i vitit të kaluar tashmë ka aplikuar për këtë dokument udhëtimi.