Potencial i shtuar dhune i kriminelëve “turistë”

Prej dhunës që vjen nga ana tjetër e kufijve shtetërorë, më të goditura janë regjionet si Gjeneva, Vaudi, Neuchateli dhe Jura

Jürg Noth, shef i trupave kufitare të Zvicrës ka konstatuar, në një intervistë t¨dhënë gazetës “NZZ am Sonntag” një rritje të potencialit të dhunës të kriminalitetit ndërkufitar. Për t`iu përgjigjur në masën e duhur këtij intensiteti të shtuar të brutalitetit, ai ka thënë se duhet pajisur më mirë rojat kufitare.

Janë shtuar sulmet me plaçkitje në banka, bihuteri dhe në fabrika të orëve, ka thënë Noth. Prej dhunës që vjen nga ana tjetër e kufijve shtetërorë, më të goditura janë regjionet si Gjeneva, Vaudi, Neuchateli dhe Jura.

Sulmuesit janë kryesisht shtetas francezë me prejardhje nga veriu i Afrikës dhe po bëhen gjithnjë e më të dhunshëm. Ata, sipas Noth, janë të armatosur me pushkë, pistoleta dhe madje edhe me minahedhës dhe i përdorin ato.

Për këtë arsye ai ka thënë se duhet pajisur dhe stërvitur më mirë personaelin kufitar. Përveç jelekëve mbrojtës me të cilët duhet pajisur rojat, po ashtu duhet instaluar pengesa të reja në rrugë, që të mund të ndalohen në mënyrë eafektive makinat e kriminelëve. Po ashtu duhen futur në përdorim edhe fluturaket pa pilot, ka thënë Noth për “NZZ am Sonntag”.