Promovohet libri “Agim i një jete pa perëndim” nga Zarije Zenuni-Bajrami

Ambasada e Republikës së Kosovës dhe Shoqata e Krijuesve Shqiptarë në Zvicër, të cilët kanë Memorandum Bashkëpunimi, bëjnë promovimin e librit “AGIM I NJË JETE PA PERËNDIM” të autores Zarije Zenuni-Bajrami, bashkëshortja e Heroit të Kosovës, Agim Bajramit.
Zarije Zenuni-Bajrami është e lindur në fshatin Duraj, Komuna e Kaçanikut. Ajo u detyrua të largohet nga vendlindja dhe të strehohet në Zvicër, për shkak të përndjekjes nga pushteti serb. Autorja deri tash ka botuar tri libra me poezi dhe prozë si dhe merret me veprimtari kulturore artistike dhe atdhetare.
Në promovim do të marrë pjesë edhe Ambasadorja Nazane Breca, poetja nga Kosova Migena Arllati, e cila është redaktore e librit dhe krijues të tjerë e dashamirë të letërsisë.
Me kënaqësi ju ftojmë, që të merrni pjesë në pasditën e së dielës letrare në lokalet e Ambasadës së Republikës së Kosovës në Bernë.
Promovimi bëhet ditëmn e dielë, më 4 shkurt, duke filluar nga ora 15.
Adresa: Ambasada e Republikës së Kosovës në Bernë.
Zähringerstrasse 25, 3012 Bern