Ministria e Kulturës, me Inspektorat të Trashëgimisë Kulturore

Ministri Kujtim Gashi, në një konferencë për medie ka thënë se tashmë janë përzgjedhur tre inspektorë dhe se shpreson që në të ardhmen të shtohet numri i tyre

Ministria e Kulturës është bërë me inspektorë për mbrojtjen e trashëgimisë kulturore e që është një nga kushtet për anëtarësim në UNESCO. Ministri Kujtim Gashi, në një konferencë për medie ka thënë se tashmë janë përzgjedhur tre inspektorë dhe se shpreson që në të ardhmen të shtohet numri i tyre.

Sipas tij, ata do të jenë gjatë gjithë kohës duke lëvizur në terren, si dhe të gjithë qytetarët që do të shohin ndonjë parregullsi, mund ta informojnë inspektoriatin.

“Kjo është një gjë shumë e mirë, meqë kemi shume monumente kulturore dhe ky është një hap i mirë për mbrojtjen dhe kontrollimin e tyre”, u shpreh Gashi.

Ndërsa Kryeinspektori, Berat Hadri, njoftoi se deri më 31 mars do të përfundojë hartimi i rregullores për Inspektoratin e Trashëgimisë Kulturore.