Marrëveshja për linjat hekurudhore X e afron Kosovën me BE-në

Marrëveshja për grantin prej 39.9 milionë eurove është bashkëfinancim nga Korniza e Investimeve në Ballkanin Perëndimor

Është nënshkruar granti prej 39.9 milionë eurosh nga BERZH-i, për të financuar modernizimin në tri faza të infrastrukturës hekurudhore të Kosovës. Marrëveshja është bashkëfinancim nga Korniza e Investimeve në Ballkanin Perëndimor.

Ministri i Financave, Bedri Hamza, shprehu mirënjohje për këtë projekt me interes për vendin, ngase, theksoi ai, nuk është e rëndësishme vetëm në aspektin financiar, por edhe sinjalizon besimin që ka BE-ja, BERZH-i dhe partnerët ndërkombëtarë ndaj Kosovës.

Ministrja e Integrimit Evropian, Dhurata Hoxha, theksoi rëndësinë e kësaj linje hekurudhore, jo vetëm si moment i ri i marrëdhënieve BE-Kosovë, por edhe leverdinë ekonomike që do të sjellë hekurudha.