Sindikatat: Shtohen dallimet mes pagave

Pagat e menaxherëve janë rritur për 56 për qind, ndërsa ato të të punësuarve tjerë kanë shënuar rritje 5 për qind

Diferenca në lartësinë e rrogave në mes të menaxherëve dhe të punësuarve tjerë, është rritur dukshëm gjatë dhjetë viteve të fundit, konstaton federata e sindikatave zvicerane “Travail Suisse”.

Sipas të dhënave të saj, pagat e menaxherëve gjatë kësaj periudhe janë rritur për 56 për qind , ndërkohë që pagat reale të të punësuarve tjerë kanë shënuar rritje prej gjithsej 5 për qind.

“Travail Suisse” më tutje konstaton se dallimet në mes të pagës më të ulët dhe asaj më të lartë vezhdon të jetë më i madhi pikërisht në ato ndërmarrje ku ky dallim ka qenë edhe para 10 vitesh. Këtu bëjnë pjesë gjigantët financiarë dhe ekonomikë të Zvicrës si: UBS, CS, Novartis, Roche dhe Nestle.

Ndërsa në disa firma të nivelit të mesëm, dallimet mes pagave janë rritur veçanërisht shumë kohëve të fundit. Firma të tilla janë “Bäloise, Georege Fischer, Implenia, Kuoni, Lonza etj. këtu madje kemi edhe dyfishime e trefishime të dallimeve, konstaton Travailsuisse.