Arrestohet shqiptari në Bullgari, kishte drogë me vlerë prej 800 mijë euro

Ilustrim

Një sasi prej 37 kg heroinë është kapur së fundmi nga policia bullgare e doganave në pikën e kontrollit mbi Urën e Danubit pranë kufirit me Rumaninë.

Droga ishte e fshehur në dyshemenë e një veture të regjistruar në Itali, ndërsa ishte e ndarë në 68 pako, shkruajnë mediat shqiptare.

Sipas një deklarate nga Agjencia Kombëtare Doganore bullgare, vetura po tentonte të largohej nga Bullgaria.

Ndërsa në pranga ka rënë shoferi i automjetit, një shtetas shqiptar me qëndrim të përhershëm në Itali.

Autoritetet thanë se vlera e heroinës në rrugë do të gjeneronte rreth 800.000 euro.