Grushtohen mes veti deputetët e PDK-së dhe VV-së

Ky është rasti i dytë i përleshjeve me grushte në Kuvendin e Kosovës

Deputeti i PDK-së Latif Gashi-Lata e ka sulmuar fizikisht deputetin e Vetëvendosjes, Rexhep Selimin, ndërsa menjëherë Flirin Krasniqi ka sulmuar Bekim Haxhiun-KamishinPrishtinë. Një ngjarje e pazakontë ka ndodhur të enjten në Kuvendin e Kosovës ndërmjet deputetëve të dy partive rivale , atyre të Vetëvendosjes dhe të Partisë Demokratike të Kosovës. Mosmarrëveshjet ndërmjet veti, ligjvënësit i kanë zgjedhur me grushte e shkelma.Deputeti i PDK-së Latif Gashi-Lata e ka sulmuar fizikisht deputetin e Lëvizjes Vetëvendosje, Rexhep Selimin në dalje të Kuvendit pas mbajtjes së seancës plenare, ndërsa menjëherë ka pasuar sulmi tjetër i deputetit të Vetëvendosjes, Flirin Krasniqi ndaj deputetit të PDK-së, Bekim Haxhiu-Kamishi.Përleshja ndërmjet Selimit e Gashit ka ardhur në kohën kur Selimi ishte duke e dhënë një intervistë lidhur me aktivitetin e SHIK-ut, ndërsa Gashit, ish pjesëtar i SHIK-ut nuk i kishte pëlqyer kjo. Ndërsa menjëherë pas këtij incidenti, ka pasur tjetri ku Pullazxhiu ka sulmuar Kamishin, duke gjakuar këtë të fundit.Ky është rasti i dytë i përleshjeve me grushte në Kuvendin e Kosovës. Përleshja e parë ka ndodhur në nomenklaturën e parë të Kuvendit të Kosovës, ndërmjet dy ish deputetëve, Fadil Gecit të LDK-së dhe Gani Kocit të PDK-së. Dy këta të fundit nuk janë pjesë e legjislativit.