“Dora e vendlindjes” nga Cyrihu ndihmon fëmijët dhe të moshuarit në Kosovë

Me rastin e aksionit për nder të 10 vjetorit të pavarësisë së Kosovës u shpërndanë 1010 libra në shumë shkolla në regjionin e Mitrovicës dhe rroba e pajisje tjera në shtëpitë për të moshuar në Skenderaj dhe Gurrakoc

Aksioni i shoqatës humanitare “Dora e Vendlindjes” për 10 vjetorin e Pavarësisë së Kosovës përfundoi me sukses. Gjatë këtij aksioni u shpërndanë 1010 libra në shumë shkolla në regjionin e Komunës së Mitrovicës. Po ashtu të gjithë banorëve të shtëpive për të moshuar në Skenderaj dhe Gurakoc në emër të shoqatës ju dhuruan për festën e pavarësisë nga një pako me rroba si dhe nga një batanije një peshqir dhe nga një palë çorape. Kjo bëhet e ditur nga një njoftim që shoqata në fjalë e ka dërguar në albinfo.ch.

“Duhet përmendur se aksioni pati sukses falë edhe angazhimit dhe ndihmës së familjeve: Meribane dhe Fadil Krasniqi, Besim Gurgovci, Abedin Mahmuti, Zaim Mehmeti, z. Gegaj, Fitore dhe Bujar Rexha & Familja Bahri dhe Sanije Rexha, Familja Naxhije dhe Zymer Haliti sie dhe miqve zviceranë, gjermanë e arabë: Andrea Winzer,  René Thoma, Pietara Iwona dhe Khalil Maldini.

Me rastin e shpërndarjes së librave, Shkolla Anto Zako Çajupi në Mitrovicë dha një program muzikor. Ndërsa drejtoresha, z. Melihate Meha në emër të shkollës ndau një mirënjohje për shoqatën DeV. Kurse urimet dh falënderimet ishin të mëdha dhe të përzemërta, nga nxanësit dhe banuesit në shtëpitë për të moshuar në Skenderai dhe Gurakoc, përfundon njoftimi i shoqatës “Dora e vendlindjes” me seli në Cyrih.