Familjet kanë harxhuar mesatarisht 3’150 franga në vitin 2011

Sipas Schweizer Medien, familjet që banojnë në Zvicër kanë shpenzuar për vitin 2011 mesatarisht 3’150 franga për konsum mediatik. Për herë të parë kjo shifër përfshin edhe smartphon-in si dhe tabletat elektronike, të cilat në të ardhmen duhet të gjenerojnë të ardhura edhe më të mëdha.

Krizat financiare dhe ndryshimet në botën e komunikimit me ardhjen e smartphoneve dhe tabletava përbejnë sfida për drejtuesit e mediave. Kjo është ajo që nxjerr në pah një studim i paraqitur nga ana e organizatës mediale “Schweizer MEDIEN”.

Për shumë botues, dilema është që të mbajmë kontrollin e shpenzimeve duke investuar në ofertat krijuese të reja. Rreth 75% të përgjegjësve për media mbështesin përmbajtjet me pagesë të platformave elektronike.

Zviceranët kanë shpenzuar 1,674 miliardë franga në vitin 2011 për shtypin e zakonshëm, ose 3% më pak se në vitin 2010. Të ardhurat nga shitjet e abonimeve nuk kanë lëvizur prej 1.147 miliard (-0,5%), ndërsa shitjet me numër kanë rënë për 8 për qind ( 527 milionë).