DAM Festival thërret violinistët e rinj në garën “10 minuta në instrument solo”

Gara është e hapur për violistë nga Kosova, Shqipëria, Maqedonia dhe Mali i Zi, të cilët janë 26-vjeçarë dhe më të rinj, deri në datën e mbajtjes së audicionit

Festivali i muzikës klasike “DAM” që organizohet në Prishtinë në bashkëpunim me “West Coast Symphony Orchestra” që organizohet në Vankuver të Kanadasë, në nderim të 10-vjetorit të Pavarësisë së Kosovës, ka shpallur të hapur edicionin e parë të garës “10 minuta në instrument solo 2018”, që do të mbahet më 28 dhe 29 mars 2018 në Prishtinë si pjesë e turneut ballkanik të “West Coast Symphony Orchestra”.

Gara është e hapur për violistë nga Kosova, Shqipëria, Maqedonia dhe Mali i Zi, të cilët janë 26-vjeçarë dhe më të rinj, deri në datën e mbajtjes së audicionit. Gara ka vetëm një çmim dhe përfshin një violë të vlefshme, të dhuruar nga “West Coast Symphony Orchestra”, dhe një çmim, i cili ndahet nga Festivali DAM dhe i cili do të lajmërohet së shpejti.

Të gjithë violinistët e interesuar duhet të dërgojnë incizimin e një prej veprave 1) një kohë nga suita për violonçel nga J.S.Bach ose Sonata për violinë ose Partita nga J.S.Bach, e transkriptuar për violë; ose 2) një vepër, e cila shpërfaq aftësitë virtuoze të pjesëmarrësit. Ndërsa juria e garës përbëhet nga: Paul McWëen – President i WCSO (Kanada), Barbara Irschick – violiniste (Kanada), Bruce Irschick – violinist (Kanada) dhe Mark Jackson – violinist (Kanada).

Në njoftim thuhet se çmimi i ndarë është vendim i jurisë, është final dhe i pakontestueshëm.