OVL E UÇK-së kërkon që nga sheshi “Adem Jashari” të largohet monumenti i “Vllaznim Bashkimit”

OVL kërkon që në vend të këtij monumenti të vendoset shtatorja e heroit Adem Jashari, në të kundërtën kërkohet që sheshi të mos mbajë emrin e tij

Organizata e Veteranëve të Luftës së UÇK-së ka kërkuar nga Komuna e Prishtinës që në sheshin “Adem Jashari”, në të cilin para pak ditësh nisën punimet për rregullimin e tij, të largohet monumenti ui njohur si “trekëndëshi”, që është simbol i “Vllaznim Bashkimit”.

OVL kërkon që në vend të këtij monumenti të vendoset shtatorja e heroit Adem Jashari, në të kundërtën kërkohet që sheshi të mos mbajë emrin e tij.

Punimet në këtë shesh kanë filluar pas tre vjet zvarritjesh, pasi Kuvendi nuk i kishte dhënë leje Komunës për nisjen e punimeve, e që bëri të humbet edhe një donacion prej 270 mijë eurosh nga DEMOS-i zviceran.