Shqipëria
Dërgonin me para shqiptarë në Britani dhe SHBA, arrestohen 39 persona
Personat që u arrestuan, sipas policisë shqiptare u takonin shtatë grupeve të organizuara mirë që dyshohet se kanë bërë kontrabandimin e 1 mijë shtetasve shqiptarë
Një operacion i madh i Policisë së Shqipërisë, i ndihmuar edhe nga Amerika dhe vende tjera ka rezultuar me arrestimin e 39 personave që kontrabandonin shtetas të Shqipërisë drejt SHBA-së, Kanadasë e Britanisë.
Ata janë arrestuar dje, derisa janë dhënë detaje tjera në lidhje me këtë rast. Drejtori i përgjithshëm i Policisë së Shtetit, Ardi Demiri ka treguar se të arrestuarit dyshohet se ua merrnin nga 7 mijë funte një personi për dërgim të tij në Britani, përcjell albinfo.ch.
Për dërgim në ShBA e Kanada, çmimi për dërgimin ilegal të një personi ishte 25 mijë deri në 30 mijë euro.
“Ata përdornin iteneraret: Shqipëri-Itali-Mbretëri e Bashkuar, Shqipëri-Francë-Mbretëri e Bashkuar, Shqipëri-Bullgari-Belgjikë-Republika Dominikane-SHBA/Kanada dhe Shqipëri-Spanjë-Amerika Latine-SHBA/Kanada”, thuhet në deklaratën e drejtorit të policisë.
Personat që u arrestuan, sipas policisë shqiptare u takonin shtatë grupeve të organizuara mirë që dyshohet se kanë bërë kontrabandimin e 1 mijë shtetasve shqiptarë.
Në aksion janë arrestuar edhe pesë punonjës të Policisë së Shtetit. Përveç 39 të arrestuarve, janë shpallur në kërkim edhe 12 persona tjerë.
Operacioni u realizua në koordinim me agjentët specialë të Shërbimit Diplomatik të Sigurisë të Departamentit të Shtetit në SHBA.
Partnerë të tjerë që kanë asistuar dhe kontribuar në këtë operacion janë Agjencia e Shërbimeve Kufitare të Kanadasë, SELEC, EUROPOL, Interpol, Policia e Kosovës, Policia Kombëtare Spanjolle, Policia Franceze, Policia italiane, etj.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale