Protestë e azilkërkuesve

Ata kishin organizuar një protestë kundër kushteve të këqija të jetesës në një strehimore nëntokësore

Në qendrën për strehimin e azilkërkuesve Hochfeld të Bernës ka ndodhur të mërkurën një incident në mes të banorëve dhe policisë. Azilkërkuesit kishin organizuar një protestë kundër kushteve të këqija jetësore në të cilat ata janë të detyruar të jetojnë, në një strehimore nëntokësore.

Ata kishin planifikuar që, në shenjë proteste, t`i nxirnin para strehimores dyshekët e tyre, ka thënë për mediet zvicerane një anëtare e organizatës që mbron refugjatët, “Bleiberecht-Kollektiv Bern”.

Por, udhëheqësia e qendrës ua ka ndaluar azilkërkuesve një veprim të tillë dhe njëherësh ka alarmuar policinë.policët mandej e kanë ndërprerë veprimin e protestueve.

Situata që mbretëron në qendrën e strehimit në Hochdorf ka ngjallur kritika nga anë të ndryshme. Në këtë qendër, në mesin e 160 të strehuarve ka edhe një numër fëmijësh. Ndërkaq, shumë nga azilkërkuesit e këtushëm vazhdojnë të mbeten aty prej më shumë se 7 muajsh.