Arrestohet shqiptari që po transportonte ilegalisht materiale antike

I arrestuari dyshohet për veprat penale "Kalim i paligjshëm të kufirit" dhe "Trafikim të veprave të artit dhe kulturës"

Policia kufitare në Kakavijë njofton se ka arrestuar një person, të cilit i janë gjetur në një çantë dhe i janë sekuestruar materiale të ndryshme antike prej metali, argjendi e bronxi.

I arrestuari dyshohet për veprat penale “Kalim i paligjshëm të kufirit” dhe “Trafikim të veprave të artit dhe kulturës”.

“Shërbimet e Policisë kufitare të Kakavijes gjatë patrullimit në kufirin jeshil kanë konstatuar dhe kapur në flagrancë një shtetas, i cili po tentonte të hynte në teritorin shqiptar nëpërmjet kufirit jeshil me shtetin grek në mënyrë të paligjshme. Gjatë kontrollit fizik të bërë këtij shtetasi, shërbimet e Policisë kufitare kanë konstatuar se në çantën e krahut kishte sende të ndryshme antike prej metali, argjendi e bronxi”, thuhet në njoftimin e Policisë.