Feride Rushiti çmimin ua dedikon të gjitha grave të Kosovës

Feride Rushiti nga Kosova ditë më parë fitoi çmimin për Gratë e Guximshme nga Departamenti amerikan i Shtetit për punën e saj në kuadër të Qendrës Kosovare për Rehabilitimin e të Mbijetuarve të Torturës.

Këtë simbol të Gruas së Guximshme, që Feride Rushiti e mori nga zonja e parë e SHBA-ve, Melania Trump, vendosi ta prezantojë pranë memorialit Heroinat, raporton “Klan Kosova”

Drejtoresha e Qendrës Kosovare për Rehabilitimin e të Mbijetuarve të Torturës, këtë titull ia dedikon dikujt.

“Këtë çmim përveç grave që kanë mbijetuar nga dhuna seksuale, ua dedikoj të gjitha grave të Kosovës”, ka thënë ajo, përcjell albinfo.ch.

Për trajtimin e kësaj kategorie sipas Rushitit, Kosovën tashmë mund ta marrin shembull shumë vende. “Kjo është shembull edhe për vendet tjera”.