Kanë filluar Lojërat Olimpike 2012

Me një ceremoni madhështore, ku kanë parakaluar përfaqësuesit e 204 vendeve, janë hapur mbrëmë në Londër Lojërat e tridhjeta olimpike. Një spektakël që ka zgjatur mbi tri orë me një program shumë të pasur është kurorëzuar nga sMbretëresaha ElizabetëII e cila ka shpallur të hapura Lojërat Olimpike.

Besohet se rreth një miliard njerëz në botë kanë ndjekur përmes televizionit ceremoninë e hapjes dhe spektaklin e jashtëzakonshëm të prezantuar me këtë rast. Programi i shfaqur përmes një koreografi dhe skenografie shumë të pasur ka bërë një pasqyrim të historisë së Britanisë së madhe në kohën e industrializimit e këndej.

Ndryshe nga sa ishte pritur, flakën olimpike nuk e ka ndezur asnjë nga sportistët e famshëm, siç ndodh zakonisht, por kanë qenë shtatë atletë të rinj nga Britania e Madhe që kanë kryer këtë ritual.

Në Lojërat Olimpike Londra 2012 marrin pjesë 10 mijë 500 sportistë që bëjnë gara në 26 sporte duke synuar 302 medalje ari sa ndahen gjatë këtij festivali të sportit, më të madhit që organizohet në botë dhe që përfundon më 12 gusht.

Ashtu sikurse as në olimpiadat e kaluara, shteti i Kosovës nuk ka mundur të merrte pjesë as në këtë të Londrës. Ndërsa Shqipëria merr pjesë me një ekip të vogël, ku bën pjesë edhe xhudistja kosovare Majlinda Kelmendi.

Në ceremoninë e hapjes së LOjërave Olmpike Londra 2012 kanë marrë pjesë edhe presidentja e Kosovës Atifete Jahjaga, kryeministri i Kosovës Hashim Thaçi dhe kryeministri i Shqipërisë Sali Berisha.