Turizmi në Shqipëri do të ketë rritje gjatë këtij viti

Se turizmi në Shqipëri çdo vit e më shumë po shënon përmirësime, e ka vërtetuar edhe Këshilli Botëror i Turizmit dhe Udhëtimeve.  Pas shumë shkrimeve në mediat e huaja për bukuritë që ka Shqipëria dhe investimeve, sidomos në bregdet nga ekzekutivi në Tiranë, WTTC parashikon një rritje të gjithanshme për turizmin shqiptar gjatë këtij viti.

Në një analizë të përgjithshme, Këshilli Botëror i Turizmit dhe Udhëtimeve përmend ndikimin e turizmit shqiptar në Produktin e Brendshëm Bruto, në punësim, në numrin e vizitorëve si edhe në totalin e investimeve, përcjell albinfo.ch.

Më 2017 kontributi total i turizmit në punësim, përfshirë punët e mbështetura në mënyrë indirekte nga industria, ishte 24.1%, ndërsa pritet të rritet me 3.8% gjatë këtij viti.