Locarno: “Leopardi i nderit”, regjisorit Leos Carax

Regjisori i njohur Leos Carax është vlerësuar të premten me çmimin “Leopardi i nderit” për veprën e tij jetësore, në Festivalin e Filmit  që po mbahet në Locarno të Zvicrës. Çmimi prestigjioz i është dorëzuar atij në sallën e improvizuar në ambient të hapur të Piazza Grande, Locarno, në praninë e 8000 shikuesve.

Regjisori i njohur francez është bërë i njohur sidomos për filmin e tij të suksesshëm “Dashnorët nga Pont-Neuf” të realizuar në vitin 1991.

Festivali i 65-të i filmit në Locarno vazhdon deri të shtunën.