Zvicra fton futbollistët shqiptarë në ndeshjen kundër Kroacisë

Trajneri i Përfaqësueses së Zvicrës në futboll, gjermani Ottmar Hitzfeld, ka kompletuar skuadrën e tij për ndeshjen miqësore që do të zhvillohet të mërkurën e ardhshme kundër Kroacisë në Split.

Takimi i Splitit është i rëndësishëm për të dyja palët për t’i nisur sa më mirë ndeshjet kualifikuese për Kampionatin Botëror ‘Brazili 2014

Pesë shqiptarët ftohen rregullisht nga përzgjedhësi Ottmar Hitzfeld.

Për dallim prej ndeshjeve të muajit maj kundër Gjermanisë dhe Rumanisë, Valon Behrami, Blerim Xhemali dhe Xherdan Shaqiri do të jenë në skuadrën zvicerane në Split. Ata kishin munguar për shkak të lëndimeve. Edhe Grantit Xhaka do të jetë pjesë e skuadrës zvicerane.

Përveç Klose dhe Rodriguezit që janë pjesë e ekipit olimpik në Londër, edhe Diego Benaglio, Francois Affolter, Emeghara Innocent, Mario Gavranovic dhe Admir Mehmedi do të jenë pjesë e skuadrës zvicerane. Hitzfeld do të marrë me vete edhe dy portierët, Benaglio dhe Wolfli.

Kjo ndeshje vjen para dy sfidave të para kualifikuese për Botërorin ‘Brazili 2014’ që Zvicra do t’i zhvillojë ndaj Sllovenisë më 7 shtator dhe kundër Shqipërisë më 11 shtator.