“Meant To Be”, e Bebe Rexhës nominohet për çmimet Billboard

“Unë jam një vajzë nga New Yorku, nuk mendoja se do të isha e nominuar për një çmim ‘country’!”, ka thënë Rexha

Keystone (Photo by Jordan Strauss/Invision/AP)

Bebe Rexha arrin një tjetër sukses. Këngëtarja u bë artistja e parë shqiptare e nominuar në ceremoninë më prestigjioze të muzikës, “Billboard Music Awards”. “Meant To Be” në bashkëpunim me Florida Gorgia Line, është kënga e cila i siguroi asaj nominim për kategorinë “Top Country Song”.

“Unë jam një vajzë nga New Yorku, nuk mendoja se do të isha e nominuar për një çmim ‘country’!”, ka thënë Rexha.

DJ Khalid dhe Bebe Rexha i bënë të ditur të nominuarit në kategoritë e mëdha të këtyre shpërblimeve në emisionin “Today”,  përfshirë  çmimet si “Artisti më i mirë”, “Kënga më e mirë ‘Hot 100’ dhe “Artisti i ri më i mirë”.

Ndërkaq, pjesa tjetër e nominimeve u shfaq nëpërmjet  një transmetimi të drejtpërdrejtë në rrjete sociale, në faqen e Facebookut të Billboard dhe faqen e BBMA në këtë rrjet social.