Ja si e shpëtuan zviceranët ahun qindravjeçar!

Foto ilustrim

Nga fundi i shtatorit, një shtetas 46-vjeçar gjerman, ishte përplasur për një dru ahu ngjyrë bakri në një pjesë të rrugës në afërsi të Densbüren. Pas aksidentit, pema është shpëtuar.

Është një pemë krenare, një ah me ngjyrë bakri. Sipas vendasve, një pemë disa  qindra vite e vjetër, shkruan “Aargauer Zeitung”, përcjell Albinfo.ch. Që edhe kësaj pranvere ajo sërish lulëzoi, mbështetet në ndonjë mrekulli. Ahu kishte pësuar aksident të rëndë, kur një shtetas 46-vjeçar gjerman u përplas për te me veturën e llojit “Opel”. Ai po vinte nga Staffelegg në drejtim të Densbürenit.

Gjatë aksidentit, vozitësi u lëndua rëndë, vetura pësoi dëme të mëdha dhe trungu i pemës krenare u dëmtua rëndë. Pjesë të rëndësishme të lëvores u zhdukën, të tjerat u dëmtuan dhe është dashur të hiqen nga specialistët. Ata e lyen sipërfaqen e saj me një pastë speciale, duke i vendosur një lloj fashe. Gjithnjë me shpresë se pas këtyre masave, druri nuk do të thahet.

Mobilizimi i përkujdesësve të drurit u shpagua. Tani, fasha është hequr, ndërsa druri krenar ka filluar një jetë të re.