Pengesë për Kartonin e Gjelbër, edhe veturat e paregjistruara 

"Ekziston edhe një zgjidhje alternative që Kosova të ketë marrëveshje me një shtet tjetër për ta mbuluar me Karton të Gjelbër, derisa t’i zgjidhë problemet e brendshme"

Anëtarësimi i Kosovës në OKB dhe numri i madh i automjeteve të paregjistruara, që arrijnë deri në 60 mijë, po e pengojnë vendin tonë të sigurojë Kartonin e Gjelbër. Kështu u tha në takimin konsultativ të Komisionit për Buxhet dhe Financa, i cili u mblodh për të gjetur një zgjidhje që Kosova të marrë këtë karton.

Guvernatori i BQK-së, Fehmi Mehmeti, tha se është themeluar grupi punues që do të merret me çështjen që ka të bëjë me automjetet e pasiguruara.

E drejtori në Byronë Kosovare të Sigurimit, Blerim Pushkolli, ka thënë se çështja e veturave ka qenë problem gjithmonë. Mirëpo, sipas tyre, ekziston edhe një zgjidhje alternative që Kosova të ketë marrëveshje me një shtet tjetër për ta mbuluar me Karton të Gjelbër, derisa t’i zgjidhë problemet e brendshme.

Ndërsa zv. ministri i Punëve të Brendshme, Izmi Zeka, tha se çështja e automjeteve ka qenë problem që nga fillimi. Mirëpo, sipas tij, ky problem mund të zgjidhet brenda 2 vjetësh.